導演嘆在所難免
對於張曼玉曾誤接爛片，導演林超賢認為在所難免，他指出因曼玉事業全盛時期亦是電影圈最蓬勃，每年需要幾百部電影，除曼玉之外，不少演員都遇過爛片，林超賢說：「據我所知，演員接戲都係睇班底嘅可信性，有時劇本講到識飛但拍嗰時又做唔到，演員就要自己平衡同分析。曼玉遇到爛片嘅情況絕對唔奇，因當年電影量需求咁大，其他演員都有呢啲情況。」
另一位導演陳木勝表示，其實導演都會着緊地控制電影質素，並認為演員很難避免遇上爛片，因為最大問題是資金：「老闆亦會喺開戲後減資金，班底亦會因此而削弱，以圖賺取利潤，（咁點避免？）冇得避，一切都同錢有關，只好勉勵新人做好自己。」
