林德信畀女圍未認定松岡

歌手林德信（Alex）、鄭融、組合HotCha等昨日在銅鑼灣出席相展，Alex大受歡迎，被女歌手及女藝人爭住合照。上星期生日的Alex坦承其緋聞女友松岡李那為他舉行了驚喜派對，又指已跟家人食飯，但未有帶松岡同行。問他是否未肯帶松岡見家長？他笑言：「爹哋（林子祥）話我有好多女仔朋友，唔好信佢呀，佢好鍾意整蠱我，成日亂講嘢。」
鄭融一副冧樣與林德信在場內大玩自拍。
鄭融一副冧樣與林德信在場內大玩自拍。

同場的藝人谷祖琳表示為了「思覺基金」，除了舉辦今次的相展，亦會舉行拍賣籌款，找來一眾藝人捐出物品拍賣，谷祖琳說：「容祖兒親手畫咗幅畫，余文樂捐咗簽名籃球，冇底價。」

HotCha、唐詩詠（右）與林德信示範瑜伽動作，林德信一樣畀女圍實。
  • HotCha、唐詩詠（右）與林德信示範瑜伽動作，林德信一樣畀女圍實。