第86屆奧斯卡金像獎作為大型頒獎禮，雲集的粒粒都是巨星，出席的無論男星或女星都悉心打扮，尤其女性天生愛扮靚，每位女星都出盡力爭艷鬥麗，各大品牌亦爭住贊助！很多女星都愛以黑色晚裝打扮亮相，因為夠晒穩陣，不過就唔夠出眾。深藍、紅色及銀白色晚裝比黑色會更搶眼，時裝作家Janice最欣賞Angelina Jolie的灰銀色晚裝造型，帶着今年流行的透視元素，性感而不暴露。
「好靚好好睇，see-through得嚟性感，但唔會暴露，帶住含蓄嘅性感。釘珠pattern好靚，貴氣得嚟又唔太大膽，而且髮型好貼服，唔會過分女人味。」(The Best)
今季再次流行起來的lace（蕾絲）物料，向來是性感象徵，今次不再只限於女人味，反而有耳目一新的感覺。樂壇天后Rihanna向來衣着前衞，時尚觸覺靈敏，當然出席巴黎時裝周欣賞最新的秋春服飾。早前她出席Jean Paul Gaultier時裝騷時，以lace top配搭西裝褲，再披上皮草，女性化與中性化混合，再結合黑唇妝容，性感又型格，cool爆！
「欠缺accessories搭配，晚裝點解要低胸、性感？因為要預留空位佩戴首飾。雖然條裙鑲咗閃石，款式幾靚，但始終冇鑽石頸鏈，難免小家咗。」
「對佢嚟講係非常保守！條裙又多複雜設計，所以毋須佩戴頸鏈，而選擇咗戴兩個好似手袖款式嘅bangles，成為咗亮點。」
「條裙其實好突破，膊頭好似斗篷設計，而且加咗pad設計，唔係傳統嘅晚裝裙。似天使嘅化身，銀白色喺呢啲場合係唔錯選擇。」
「前面係密實高領，鑲咗珠片點綴，所以唔需要佩戴頸鏈。前面有睇頭後面亦有，大露背裝高貴又性感，配合埋佢個妝容好甜美。」
「條裙幾靚有特色，一半圖案設計有highlight效果。但太deep V嘅關係，頸部好似失咗色，加番頸鏈同手鈪會高貴啲。」
「有啲失手，雖然今年興lace同see-through元素，但頒獎禮場合着透視露內衣唔夠莊重，去fashion show咁着就會顯得時尚。」
王麗儀（Janice Wong），一位時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。