吳雨霏生風瘌 停工休養
吳雨霏與陳慧嫻前晚為慈善節目《博愛歡樂傳萬家》錄影，患上急性風瘌的吳雨霏全程口罩示人，透露已病了成個星期，由於成身出滿疹，要食藥及搽類固醇藥膏止痕，令原本的表演也要改為錄影呼籲，下星期的工作也要統統取消休養，認真慘情！
吳雨霏與陳慧嫻前晚為慈善節目《博愛歡樂傳萬家》錄影，患上急性風瘌的吳雨霏全程口罩示人，透露已病了成個星期，由於成身出滿疹，要食藥及搽類固醇藥膏止痕，令原本的表演也要改為錄影呼籲，下星期的工作也要統統取消休養，認真慘情！
吳雨霏（Kary）前晚現身電視城為慈善節目錄影，一臉病容的她戴上口罩，透露患上急性風瘌，成身一撻撻紅疹，痕得經常忍不住抓，雖然看了醫生，但卻找不出原因，估計是抵抗能力低及食物問題所致。為免影響表現，原定Kary於節目內表演唱歌，最後也要改為錄影呼籲以示支持，她服藥之餘，還要搽類固醇藥膏作雙管齊下，Kary說：「細個都出過，最近唔知點解又出，本身食素，應該唔會食立雜嘢，醫生話冇得醫，如果慢性可以成年都係咁，所以媽咪都逼我去睇中醫，希望會好啲，依家食住西藥撳住。」
由於Kary成身風瘌，故公司亦為她取消下星期的工作，包括廣播劇記者會及一些廣告拍攝也會叫停。
陳慧嫻減肥為開騷
同場的陳慧嫻正為6月舉行的個唱做準備，她表示已展開減肥計劃，根據歌手好友的減肥餐單加跑步，兩星期減了5磅，不諱言目標是愈瘦愈好，皆因有意於演唱會穿性感一點，惟遭公司同事反對，她謂：「佢哋唔准我露咁多，認為我唔適合，但我個人就開通啲，接受度高啲。（Bra Top得唔得？）有條好靚嘅腰就得，但我全身都係重災區，肥瘦都好均勻，不過點樣個胸都唔肯瘦，仲愈來愈有添！」
文：影視組