婷婷有着落 安志杰恨搵圈外女友
藝人謝婷婷與「新歡」戴尚安（Sean）雖然一直沒有承認拍拖，但昨日婷婷出席活動時自爆Sean的母親李桂蘭對她很好，看來婷婷甚得「未來奶奶」歡心，反觀婷婷的舊愛安志杰現時仍然孤家寡人，揚言希望將來揀個圈外女友。
藝人謝婷婷、歌手周柏豪、男模馬志威和藝人李璨琛等昨午出席adidas活動，早前婷婷為名媛李桂蘭兒子戴尚安（Sean）慶祝生日，當記者以婷婷的男朋友稱呼Sean的時候，婷婷反應非常大並謂：「點解你講得咁順口？只係成班朋友一齊慶祝生日。（係咪以女主人的身份？）唔係，只係成班朋友食飯。」對於Sean是否已確認婷婷的女友身份？婷婷顯得害羞，說：「順其自然啦，我哋都冇開會傾。（咁依家同對方咩關係？發展中的朋友？）係啦！佢媽咪對我印象不錯。」
鋒菲重聚開心就得
另提到哥哥謝霆鋒身處巴黎，有指他會在好友趙薇扯紅線下有機會跟舊愛王菲在當地食飯重聚，對於鋒菲十年後的相遇，婷婷即表示只要霆鋒開心就可以，並謂：「身為阿妹，見到佢笑得好開心。」
事有湊巧，婷婷的舊愛安志杰昨日亦出席另一場合，對於婷婷為Sean慶祝生日一事，安志杰即回應：「乜唔係已經好耐啦咩？唔知呀，上次你哋話佢哋已經拍緊拖。我同婷婷分手後都冇聯絡。」至於好朋友有否介紹女仔給他認識？安志杰就表示自己不喜歡相睇，但如果要交女朋友，安志杰透露希望是圈外人。
柏豪患人群恐懼症
另外，周柏豪對於活動在戶外舉行，他自爆患有人群恐懼症，他說：「我好耐冇喺街做活動，覺得有壓力，唔願意逗留。其實我入行前都已經有情緒病、焦慮症，有睇心理醫生，我覺得一直都冇好過，失控的時候我好想跑步，近排都想跑。」
文：名人組