Mandy不做未婚媽媽

混血名模Mandy Lieu昨接受nowTV節目訪問，以一身透視裝示人，nude bra若隱若現，惹人遐想。她與主持人黃婉曼大談結婚話題，Mandy認為婚姻只是一張紙，最重要是互相的承諾！她說：「身邊有朋友結婚，會講到錢，要簽啲文件驚分身家，好似冇咗意義！（你唔結？）唔知，不過我唔急！如果嗰個人我係想同佢過下半世就會考慮！（生BB？）生B就會去註冊啦！」問有否計劃過結婚生仔？她直說沒有，認為目前的階段未有考慮，但未來可能想結婚生子。問家人有否催她？她說：「冇，屋企人太了解我，我愛自由同個人空間！（搵到理想對象未？）仲未。」