恨做馬主拒愛駒叫「愛詩詩」
香港賽馬會昨日在跑馬地舉行「寶馬香港打吡大賽2014」獲選參賽馬匹名單公布會，連任打吡大使的甄子丹與老婆汪詩詩表妹湛琪清出席。子丹稱有意做馬主，但抽不中。問他若成功做馬主，愛駒是否叫「愛詩詩」？他笑說：「未必，睇吓到時點，隻馬叫佢（汪詩詩）個名佢話唔好。（想唔想做馬主？）好多朋友都鍾意呢個運動，都有養馬，呢個係一個交際活動，不過抽中先算。」他笑言老婆買馬比自己更好眼光：「唔係點會嫁畀我？」
提到子丹主演的電影《3D冰封俠》於復活節上映，他坦言不清楚，若新戲真的於復活節上映，問是否用來硬撼張家輝主演的《魔警》？他表示要問電影公司：「冇話撼唔撼，觀眾多個選擇。」他透露正籌備六、七月在新西蘭開拍的新戲，所以現階段多了時間陪家人，覺得很輕鬆。