王曼喜啜女有好感 馬詩慧力撐
名模馬詩慧長女王曼喜早前被拍得跟一名洋妞當街攬啜，事後更打電話向母親求救。前晚母女二人現身活動，齊聲表示愛無分性別，曼喜更直言對該女伴有好感，不排除發展空間，半發表出櫃宣言！
前晚Style模特兒公司舉行春茗，不少名模藝人出席，包括馮德倫、黃百鳴、丁子高、琦琦、周汶錡等，其中馬詩慧（Janet）偕女兒王曼喜一同現身，即被記者追問「攣情」？曼喜說：「我係好驚訝，因為冇諗過撞到人，同埋覺得自己冇乜新聞價值，佢係我好朋友。」問到何以好朋友會親嘴？此時馬詩慧即護駕說：「讀書時都會啦，阿媽同個女都會。」說畢即咀嘴示範。記者再問曼喜鍾意男或女？她即說：「我覺得唔係男定女問題，如果係愛嘅話，（你對個女仔有好感？）都有，（有冇發展空間？）maybe（可能），睇吓點！」在旁的Janet又搶答：「梗係有好感，否則點會又出街又拖。」曼喜強調愛一個人冇分性別，只要家人支持就可以。Janet又謂已見過該洋妞，並謂子女的朋友都會認識。
Lynn鍾意鄭雨盛
同場的熊黛林（Lynn）就表示新一年希望有拖拍，問到擇偶條件？她笑說：「其實好簡單，只要係單身同有feel就可以。（唔想再跟圈中人拍拖？）冇一定，圈外人會比較好啲，但又驚人哋唔習慣被起家底，因為普通人未必接受到。」她又謂來年希望多在電影方面發展，鍾意韓星鄭雨盛，想跟他合作。而琦琦則表示未有追看熱爆韓劇《來自星星的你》，但就曾與老公任達華跟全智賢和金秀賢吃飯，並大讚全智賢美得自然，拍戲可愛，香港只有舒淇可以做到。
文：名人組