紐約、倫敦、米蘭、巴黎四地時裝周陸續開鑼，「潮」氣逼近，而先開鑼的紐約時裝周已經圓滿結幕，台上的靚衫型衫預告來季潮流趨勢，而台下的女星們衣着打扮同樣精彩，各有各的個性演繹，星級造型師郭慶彬（Ricky）大讚英國當紅潮女Alexa Chung的波鞋造型配搭夠youngful，而英國女歌手Rita Ora一頭金髮兼披件biker褸能凸顯英倫punk味。反之韓星崔智友着錯花裙顯得老氣似阿嬸！
佢着到格仔嘅型格感覺，佢最潮係披咗件biker褸，金髮造型又突出，更加能凸顯英倫punk味。
着出嗰種黑白型格，西裝褸配貼褲夠穩陣，內襯printed shirt，頓增添視覺趣味，唔使着高跟鞋，改着近年大興的波鞋配搭嘅造型，成個感覺更加youngful。
貼身造型配襯鬆身scarf-like外套，望落去好有時代感，加埋佢頂帽同clutch，成個感覺更stylish。
第一眼望埋去「娘」得可怕，條裙着到佢完全冇身形兼露埋對麒麟臂，錯上加錯就係襯埋對黑絲襪同黑鞋，效果穩陣得滯。
呢類花print係好興，但佢完全撐唔起，反而着老咗佢，加埋把微鬈曲髮，感覺好似阿嬸，佢應該梳個貼直髮型，起碼會有啲時尚感。
白色透視恤衫襯淺藍色skinny jeans，簡單襯出smart casual，橙色clutch係亮點，令造型更sharp，配埋條頸鏈與腰飾，已經夠型。
時裝界利用運動元素創造新的時尚風潮，波鞋作為潮物配搭不同裙子、pantsuit，創造另一種時尚造型！就連一月剛舉行完的Haute Couture時裝騷，不少品牌如Chanel等都大量創製波鞋，成為造型上的潮物配搭，而英國當紅潮女Alexa Chung亦襯出型味。
此外，Fur亦是近期大熱，無論是fur coat或是fur-trimmed設計，同樣時尚奢華，就連時裝教母Carine Roitfeld與女兒Julia Roitfeld、時尚雜誌《Vogue》美國版總編Anna Wintour及《Vogue》日本版自由時裝總監及創意顧問Anna Dello Russo都齊齊來個「fun fur」的時尚美。
著名星級造型師郭慶彬（Ricky）曾遠赴米蘭與巴黎時裝周，出席品牌Max Mara、Sportmax、Chanel、Valentino、Gucci與Jean Paul Gaultier等品牌時裝騷，也曾被邀在中國時尚節目《美麗俏佳人》擔任嘉賓主持，現於電台擔任客席嘉賓大談時裝之道與配搭技巧，近年也被各大品牌邀請客串造型顧問，為VIP提供服飾資訊與配搭技巧。Ricky曾為李冰冰、吳君如與張惠妹等擔任造型師，地位被肯定。