黃心穎愛掃街好易養
2012年港姐亞軍黃心穎，對飲食非常專一，一旦愛上一種食物就食極唔厭，加上她對飲食沒有高要求，朋友都笑指她很易養。心穎特別鍾情街邊小食：「街邊嘢快靚正，又多選擇，我最鍾意食細細份嘅嘢，魚肉燒賣加少少辣係我至愛。同埋我自細鍾意食雞翼，去親茶餐廳都一定點雞翼，點煮法都鍾意食！」
心穎對甜食亦無法抗拒：「臨瞓前一定要食朱古力，如果有時做嘢忙得滯冇時間食，一得閒就會衝去買，仲有我袋入面一定有糖或者朱古力。」心穎曾在溫哥華讀書，要照顧自己，但對下廚沒大興趣，最拿手的是煎荷包蛋、炒菜及烏冬，不過決心要當賢妻的她表示，將來結婚一定會為老公學煮餸。