志偉忍淚：獎門人唔厭咩？
獎門人曾志偉前晚率一班「獎老」包括錢嘉樂、陳小春、王祖藍、江欣燕、阮兆祥、金剛等嘉賓到廣州開騷，眾人大放笑彈，扮盡圈中天王巨星，江欣燕拋胸扮梅艷芳又跳又唱，可惜老貓燒鬚失足跌低；李思捷則一連模仿張學友、張國榮、鄭少秋、譚詠麟等巨星，維肖維妙。
適逢今日（23日）是演唱會主辦人鍾鎮濤（阿B）61歲生日，眾人把蛋糕推到台上為他預祝生日，更播出張學友、梁家輝、譚詠麟等預先拍的祝賀片段，令阿B眼濕濕說：「今日咁開心，不宜流淚。」
陳小春視再生父親
至於一班追隨志偉多年的「獎老」大談多年來拍獎門人的回憶，個個講起志偉都眼泛淚光。身為大師兄的錢嘉樂說：「如果冇獎門人，我仲喺片場打打殺殺、拍動作片，唔會喺台上好似歌手咁，唱一隻屬於自己嘅歌，更加唔會喺節目識到太太湯盈盈，冇佢世界人生比較暗淡，笑聲都少咗。」陳小春亦眼紅紅的表示人生好多第一次給了志偉，包括主持、拍電影，甚至結婚志偉都有出現，令他不禁說：「除咗父母外，我叫佢一聲爸爸都不為過。」
而志偉在台上強忍淚水說：「其實觀眾咁多年睇住獎門人唔厭咩，最受歡迎係班『獎老』，所以我應該多謝大家，我好開心、好陶醉，同你哋一齊做嘢，你把我灌醉，我愛大家。」
文：音樂組