馬賽揭「空少」底 只係fans
去年受負面新聞困擾的女藝人馬賽早前出國旅行再惹緋聞，昨日她與楊怡、馬浚偉等為新劇宣傳，馬賽否認與空中少爺同遊，更指與對方只是「fans合照」。而楊怡則於午餐擦鮑魚太飽，落船頭暈暈。
劇集《守業者》演員馬浚偉、麥長青、楊明、邵美琪、龔嘉欣及世界盃大使馬賽、陳凱琳、蔡思貝、許亦妮等昨日到長洲宣傳，與行政主席梁乃鵬擦鮑魚午宴及向市民派平安包，又組隊與長洲小型足球總會比試足球，最終2：2平手。
追波跪低
踢波期間眾星表現落力，楊明被波省中下體、馬賽追波追到跪地，蔡思貝更成功入球，助理總經理區偉林更出任守門員，每次救到波都獲全場拍手。
馬賽早前再爆新緋聞，被指與空中少爺到斯里蘭卡旅行，她否認說：「唔識個男士，只係fans合照，當地網絡差，換酒店先知報道寫成咁。（有好多張合照流出！）機組人員入住嗰間酒店同我哋同一間，有fans要求合照，支持自己，我覺得開心！（個男仔有冇你電話？）冇，唔識o架！佢只係普通影迷，我好內疚，不停收到長輩電話問呢件事，亦影響同行女仔嘅情緒。（搵個真命天子？）想以工作行先，工作就係我男朋友。」
慶祝生日
馬浚偉在場邊打氣，最近增肌中的他直言未ready騷肌：「我冇戒口，因為血糖低唔可以戒油戒糖，結果肥咗。」對於劇集收視平均26點，他希望可繼續上升，結局能有30點。至於27日生日的邵美琪及楊明晚宴時獲送蛋糕，邵美琪未知會否跟男友施祖男慶祝，是否想收戒指？她說：「唔鍾意，不如食啦！朋友會整朱古力。」
此外，女主角楊怡及樂瞳出席完午宴先乘船離去趕開工，剛下船的楊怡表示吃得太飽暈船浪，她又指對該劇收視有信心。
文：影視組