官恩娜沖涼暈倒男友救駕

前晚音樂會G.E.M.成為焦點，官恩娜（Ella）則以大露背連身短裙突圍，而表演歌手還有鄭俊弘（Fred）、李克勤等，問到Ella情人節外籍醫生男友有否向她求婚？她說：「冇呀！」隨即透露前日沖涼時因感冒搞到暈倒浴缸，問到男友是否衝入浴室救她？Ella說：「我哋唔係同居，暈咗幾秒即刻打畀佢，佢飛車攞藥畀我。」她承認思想保守，結婚後才可同居，即被取笑有否與男友同過床？抵死的Ella笑說：「唔好問呢啲嘢。」
官恩娜感冒剛愈，便不顧身子穿上大露背演出。
官恩娜感冒剛愈，便不顧身子穿上大露背演出。

而Fred獲家姐、母親及緋聞女友姜麗文（Lesley）到場支持，Lesley完騷在場館外與觀眾影相，由於Fred獻唱《Crazy Little Thing Called Love》，問到是否唱給她聽？Lesley說：「唔係，佢唱畀歌迷聽。」記者笑指兩人的戀情是Crazy Love，Lesley掩口冧笑：「Oh My God！」　

鄭俊弘獲母親及家姐捧場，緋聞女友則默默支持。
  • 鄭俊弘獲母親及家姐捧場，緋聞女友則默默支持。
李克勤唱完壓軸即趕回家，笑言想打頭陣。
  • 李克勤唱完壓軸即趕回家，笑言想打頭陣。