風騷佘：對馬國明有feel

陳豪宣布「封盤」後，「男神」馬國明接棒成為新一代筍盤，盛傳兩位港姐朱晨麗及朱千雪同時（目及）中馬明，「雙朱爭馬」，勝負未分，又有消息指師姐佘詩曼亦情迷「筍盤馬」，趁到新加坡拍微電影期間姣溝馬明，昨日一眾主角分別出席活動，阿佘與馬明、胡杏兒、岑麗香、露背港姐蔡思貝等出席無綫GOTV跨平台視頻點播服務活動，兩人全無尷尬有講有笑。

「佢溝我level高」

對於被指姣溝馬明，阿佘笑不攏嘴說：「講得咁衰，唔好講個『姣』字，冇文化，係佢溝我。（真係追？）唔係，微電影入面有少少feel。（馬明話同你level唔同，唔敢要求親熱戲！）佢太謙虛，依家佢level好高。（筍盤喎！）我都係啦！（人哋係男神。）佢好專業同有風度。（深入了解？）咁嚴重，暫時未有時間，跟住同林峯開新劇，呢個就好了解。（唔怕傳緋聞？）好開心今次可以全情投入角色。」早前傷頸的她已好了八成。

朱千雪	朱晨麗、朱千雪被指同爭馬國明，同樣拿着「心愛的馬」的二人，以前者錫到出面！	蔡思貝的大露背十分誘人。

未敢發動攻勢

而被阿佘踢爆追求她的馬明直認不諱說：「梗係，佢咁好。（有咩攻勢？）未有，高攀唔起。（佢話你level高！）阿佘係我心目中80%理想對象，剩番20%係我事業未夠佢好，錢未夠佢多。（你兩個都唔細！）結婚冇分年齡大定細，情投意合就得。」

這邊廂的「佘馬」一唱一和，另邊廂的「雙朱」朱晨麗、朱千雪亦在活動同聲表示「情敵」見面冇尷尬，朱晨麗祝福馬明新一年馬上有錢，為何不祝福他馬上有女友？朱晨麗笑謂：「冇得話一祝就有嘛！（等人開口追？）隨緣啦！」朱千雪則坦言已ready拍拖。

熱話停不了，等緊你一票

三女爭馬明，你信幾多成？

請即click入東網民意中心，投選心水，事不宜遲。