趙嘉懿囝囝3歲闖星途
模特兒趙嘉懿（Carrie）的兒子Marcus現年三歲多，早前Marcus首次拍攝奶粉廣告，即有機會跟影后張栢芝及著名導演關錦鵬合作，並獲兩人大讚有演戲天分，前途無可限量，Carrie有望成為星媽。
趙嘉懿的兒子Marcus向來表演欲強，早前獲廣告商看中為內地一個奶粉品牌拍攝廣告，與張栢芝飾演母子大演對手戲。Carrie坦言之前並不建議兒子拍廣告，但後來經朋友落力游說，才決定帶兒子試鏡，她說：「我朋友話個廣告好啱Marcus，而且導演關錦鵬見過我囝囝張相之後，好鍾意佢，叫我畀囝囝試吓，我都只係抱住一試嘅心態，點知就揀中咗佢。」
被讚識做戲
她稱拍攝當日連續拍了18小時，由朝早拍到凌晨，囝囝卻愈拍愈精神，雖然時間很長，而且求要囝囝有各種表情，但囝囝都一一完成，獲栢芝及導演大讚，Carrie滿足地說：「栢芝有讚Marcus年紀小小已經好叻好識做戲，導演話Marcus好醒目同聰明，好有前途。（有機會成為星媽？）我冇諗過做星媽，對囝囝嚟講讀書最重要，但畀佢拍廣告玩吓都好，畀佢開吓眼界，知道搵錢唔容易。拍完廣告第二日，囝囝問我今日我要去邊度返工，好好笑，但佢都話拍廣告辛苦。（今次有幾錢酬勞？）都有五位數字，會將所有錢幫囝囝儲起佢。」
已考才藝試
Carrie透露兒子兩歲時已被老師發現有表演天分，建議讓兒子上Speech and Drama課程，其後更考了一個英國認可的才藝考試：「個考試係畀五歲嘅小朋友，當時Marcus只有兩歲半，但都考獲B級成績，我以佢為傲。」
文：名人組