Cara G.懷孕8月 奇招行房

混血名模Cara G.日前挺着近八個月肚子與老公Jesper到馬爾代夫honeymoon兼babymoon,雖然Cara腹大便便,但無礙兩人行房親熱,興之所至,Jesper還為Cara操刀拍攝大肚裸照,甜蜜滿瀉。

Cara G.與老公Jesper日前到馬爾代夫度蜜月,享受二人世界,在浪漫氣氛下,Cara還即興拍下裸照,昨日《好報》率先刊登了二人的度假照及Cara的大肚寫真,先睹為快。

讚照片漂亮

Cara坦言之前曾考慮是否拍大肚裸照,但最終決定豁出去:「我覺得好難得嚟到,加上佗住BB,好想記錄低呢一刻,而且輯相係由我老公操刀,佢係我嘅御用及最愛嘅攝影師,裸照要由佢影,我先肯影,我認為由爸爸幫媽咪同BB影,會更有意義。」她笑言有想過與老公一齊拍攝大肚裸照,但老公堅拒不肯裸露,她大讚整輯照片十分漂亮。

Cara表示今次旅程相當難忘,二人在沙灘上燭光晚餐,又第一次坐水上飛機,非常溫馨甜蜜。問到兩人有否行房?她坦言:「有,仲係可以,冇問題,但因為我個肚好大,所以要創作一啲動作,唔可以正常行房。」

五星級享受

Cara稱馬爾代夫的花費不菲,她為儲錢留給BB出世之用,之前未有想過能前往當地,她說:「不過今次好好彩,我透過網站The Luxe Nomad訂購今次行程,佢哋畀咗好大優惠我,令我慳番好多,我哋可以入住Velassaru及Angsana Velavaru兩間五星級resort,好舒服又relax。」

文:名人組