鍾嘉欣Ready 諗定致謝詞
鍾嘉欣憑《巨輪》「卓靜」揮灑自如的表現早已在馬來西亞封視后，至於下星期一舉行的無綫台慶頒獎典禮，她大有機會再度封后，嘉欣坦言已為攞獎諗好致謝詞，一切已經Ready！
入行9年的鍾嘉欣最近在馬來西亞被譽為無綫台慶頒獎禮前哨戰的「TVB馬來西亞星光薈萃頒獎典禮2013」首度封后，榮登視后的嘉欣熱爆台慶頒獎禮，外間看好她再下一城，但向來性格隨緣豁達的她則保持輕鬆心情出席：「依家心情好平靜，唔會因為馬來西亞攞獎而加強信心，兩個係唔同嘅獎，覺得自己今年好好彩，有《巨輪》同《玩嘢王》，令觀眾有好多機會睇到我嘅演出。」
入行前有目標
嘉欣自言不恨攞獎，但無可否認獎項是一項肯定，故為自己定下入行10年內攞「視后」的目標，她說：「今年入行第9年，對自己都好有信心，但係如果今年唔得，咪明年囉，下年有《飛虎II》同《大藥坊》我覺得都好有機會。」雖然嘉欣對獎項看得開，但已想好得獎致謝詞，做好攞獎準備，她說：「如果有機會攞獎，我唔會好似喺馬來西亞咁爆喊，第一次攞視后係會激動啲，上次上台開心到腦海一片空白，今次做好心理準備，諗定上台講乜，呢啲機會唔係成日有，唔想漏咗多謝人。」
視阿田為勁敵
她又視同劇《巨輪》的田蕊妮為勁敵，嘉欣保持風度說：「阿田今年呼聲都好高，佢『倀雞英』角色都好出。」至於視帝之爭，她則看好「Cool魔」張智霖及馬國明，她說：「唔使講『Cool魔』係今年最爆嘅角色，出街係人都講，揀馬明我係有私心嘅，雖然未同佢合作過，但欣賞佢份人，佢係好演員、好男人。」
場地：Tasting Room
服裝：A｜X
化妝：Kenny Cheung＠K's Creative
髮型：Roy Tse＠Hair Corner
採訪：影視組
攝影：劉智源