倪晨曦搏殺 恐懼拍拖

倪晨曦（Elva）憑其高挑身材和美人胚子成為新一代女神，她亦乘勝追擊免費推出2014年月曆，慰藉一班粉絲：「好緊張，係我自己設計、諗concept嘅。係同雜誌合作，隨書附送。」Elva指今次不賣性感、只sell靚樣，但就透露若月曆的回響理想，會考慮出寫真集。

試用多致敏

Elva今年開始化身v-blogger，拍片教授化妝技巧和美容心得：「第一次拍片，第一日就有十萬點擊率，好驚喜！」她更因此得到不少品牌的合作邀請，可謂無本生利，開拓另類商機。不過，「美容達人」不易做，Elva為試用新產品，就搞到皮膚變得敏感：「以前一啲都唔敏感，試得多新嘢，反而變得敏感咗！」

相集不賣性感的倪晨曦，早前低胸做模特兒。	倪晨曦親自設計月曆相集慰藉粉絲。	倪晨曦為緋聞男友沈震軒新歌拍攝MV。

最愛孝順仔

聲稱仍是單身的Elva坦言有「拍拖恐懼症」：「驚開始戀情，因為拍咗拖會friend都冇得做，與其係咁不如一路做friend，會仲開心！」Elva對於男友的要求其實不算高：「好基本，孝順屋企人，重視家庭嘅人，有上進心同責任感。」不過這人尚未出現，加上Elva覺得即使單身，生活仍非常充實，所以未有衝動拍拖。

服裝：WIP

場地：Trattoria DOPPIO ZERO @上環

文：影視組