馬賽出「櫃」落淚認錯：放低汪子琦

馬賽早前被指與內地製片人汪子琦及富婆Laura Lee有同性三角關係，之後她即被無綫雪藏，直至昨日，她終在無綫製作資源總監樂易玲及母親陪同下，接受本報訪問，剖白她經歷低潮的心情。

尊重一切真愛

受訪期間，馬賽自言心情雖已平復，但表現緊張，談到當初與汪子琦爆出攣情，她哭着說：「當日出咗個報道，我好驚、好緊張、唔知點應對。用咗好唔恰當嘅態度同語言，自己都諗唔到造成好大風波。」

經過一個月反省，馬賽自言諗清楚、睇清楚、聽清楚，自覺十分任性，處理事件不夠成熟和在公眾場合的行為（激吻）不恰當，再淚如泉湧說：「做咗啲行為令周圍嘅人好傷心、好擔心，特別係傷害咗我家人，亦令公司造成好唔好嘅影響。」

說到與汪子琦的關係，馬賽表示：「所有啲嘢都已經過去咗，我亦都放低咗一切。我諗大家都係朋友，我都希望佢好。」至於有連串負面新聞爆出，被問到有否感到被出賣時，她未有否認：「對於呢個幾月發生啲嘢，我都放低咗。」

馬賽表示只希望公司及觀眾可再給機會，而她亦未有表示抗拒同性戀愛：「我尊重一切真愛，真愛係不分性別、年齡同階級。我覺得只要係冇目的嘅真愛都值得尊重。」她坦言知道形象受損，想用努力再在娛圈發展。

獲樂易玲體諒

原被無綫停工兩月的馬賽獲提早放生，並會於明晚的《歡樂滿東華》表演舞蹈，而她亦有份競逐台慶頒獎禮的「最佳女配角」，並將出席頒獎禮，但馬賽「攣情」亦令她損失合共數十萬的工作。馬賽昨一見樂易玲即向她道歉，樂易玲說：「細路出咗狀況，要畀時間佢哋處理。喺公司立場，當然畀機會佢。」

文：專案組