鍾偉強死過翻生再戰樂壇
憑內地節目《中國好聲音》Hit爆的鍾偉強（Simon），曾於1977年參加亞洲歌唱比賽贏過張國榮，可惜星途未如對方燦爛。回想昔日，Simon在比賽中奪得冠軍後，即入行拍劇，不過在拍戲的過程中，卻令他大感無癮：「拍戲埋位都等13個鐘，我覺得好悶，我同導演講我唔拍喇，你安排我死咗，或者去外國啦！」
80年代，Simon加入了無綫的《歡樂今宵》作表演，本以為在歌壇一展身手，可惜卻天意弄人，令他心灰意冷：「原來係『咪嘴』，好唔過癮！同埋啲觀眾通常都鍾意睇趣劇，都唔係鍾意睇你唱歌！」在輾轉之下，Simon決意投身保險業，一做便做了二十年。其後，Simon大病一場，並需簽生死狀做「通波仔」手術，手術的成功驅使Simon鼓起勇氣，再度出戰音樂比賽，享受站在舞台的快感。
