廖子妤全裸上陣搏到盡
由馬來西亞來港發展的模特兒廖子妤（Fish）踏上大銀幕後搏到盡，以側身全裸上陣，不過處女作令她相當緊張，拍攝時不慎撻在攝影機路軌上，搞到周身傷。
「過江龍」模特兒廖子妤離開家鄉馬來西亞來港發展，早前更初嘗踏上大銀幕的滋味，有份接拍泰迪羅賓監製的新片《末日派對》演出，與關楚耀不乏對手戲的她於新片中搏到盡，拍攝側身全裸鏡頭，挑戰性感尺度！Fish回憶拍攝全裸戲份當日仍歷歷在目，她說：「拍戲當日我食唔落嘢，成個人都唔舒服。拍最後一個take嗰陣，導演想我爬落床跑出鏡頭外面，但係我唔小心成個人撻落個攝影機路軌，塊臉、膊頭同大髀都跌到瘀晒！」
幸得家人支持
Fish坦言幸得家人的鼓勵，才有勇氣接受全裸戲份的挑戰：「知道有全裸演出後，問咗屋企人同朋友嘅意見，自己又掙扎咗好耐，喺印尼工作嘅爸爸同我講無論點都支持我，我不停咁喊，係佢令我有好大嘅信心。」而監製泰迪羅賓亦有為Fish講解演員的作用，令她放心演出：「Teddy（泰迪羅賓）話演員係用身體去揣摩角色，唔係要去諗剝唔剝衫。」她又感謝其他演員如關楚耀的提點。
此外，Fish笑言拍畢該片後已上了戲癮，希望可轉戰影圈，她說︰「拍戲好有挑戰性，拍完感到一份滿足感，希望之後會有更多機會。」不過會否性感上陣？她說︰「呢樣唔係我的賣點。」
髮型︰Hin Wan@ IL COLPO
化妝︰Kenny Wan @Will Wong
服裝︰Lazy Oaf/ Lovenrollineyes
文︰專案組