Regen放逐澳洲與小強同眠

歌手Regen（張惠雅）和師弟李安豪（Ivan）日前獲主持人廖嘉輝（Look）的邀請，來到《東網》娛樂onShow，大談辛酸事！提到Regen之前被傳介入老闆薛世恒和陳法拉的戀情而被「放逐」到澳洲流浪，Regen即否認與老闆密會：「用一個正常邏輯去諗，我要放一個長假，係咪應該要同簽你返嚟嘅人講聲、食個飯。但好彩呢個傳聞係發生喺我離開香港之前，因為可以畀足夠時間我諗清楚，自己做呢行係需要控制呢啲嘢！」

學識面對挑戰

談到Regen的澳洲之旅，她都大叫旅程很「正」，又說：「我試過摘荔枝、耕種，又試過天都未光，三點幾起身去採摘，摘到午飯時間，畀太陽Keep住曬十幾個鐘。」不過當中最恐怖的，莫過經常遇到昆蟲：「試過瞓瞓吓覺，發覺隻腳痕痕哋，原來係有蟑螂經過。不過呢啲都係挑戰，我成日都覺得愈唔敢去做嘅嘢，只要踏出第一步逼你去做，咁你就學識點面對！」

Regen否認因介入老闆薛世恒和陳法拉的戀情而被「放逐」澳洲。

Ivan自言被朋友取笑像戇豆先生。

Ivan樣子「鬼鬼哋」，當Look問他：「有冇人覺得你似邊個混血明星？」時，Ivan即語出驚人地說：「多數啲朋友都話我似Mr. Bean，因為我笑起上嚟、碌大對眼個樣好似戇豆！」提到家庭背景時，Ivan表示：「我屋企冇乜錢，係住公屋，而且亦係單親家庭長大，阿媽唔會點畀零用錢我，所以我15歲已經開始做快餐店賺錢，因為我好鍾意音樂，所以就儲錢買咗支結他狂練。」

攝：沈健程

髮型：Perry Yung＠ilcolpo、Lobo Chung＠Ching

造型：洪崎峻超B 服裝：Amenpapa

文：專案組