鄭希怡新婚無力洞房
英皇藝人鄭希怡（Yumiko）跟化妝師男友梁學儲（Andy）上周五在蘇梅結婚，投放逾百萬元的婚禮上，Andy處處盡顯愛錫太太之情，寡言的他發表愛的宣言外，送煙花又請火人娛賓，連生日蛋糕、回禮，甚至一隻杯、一張卡也是為Yumiko精心設計，不過因新婚夜太盡興關係，夫婦無力洞房。
Yumiko完婚多天，但新任梁太依然回味這個難忘婚宴，她表示：「Andy嗰日太忙，冇幫我化妝，但我個eye mask係佢設計同幫我貼，佢將eye mask代替頭紗為我揭開時，覺得好有意思，我感動到眼濕濕。」雖然拍拖時Andy甚少講甜言蜜語，但在婚禮上，Andy公開表白心迹，令她深受感動，不過老公怕醜，不准她公開內容。至於新婚之夜可有洞房？Yumiko又笑謂：「冇呀，因為玩得太攰，連瞓都唔夠時間呀。」
感激好友見證
問是否要改口稱呼她為梁太，Yumiko笑不停：「依家個個都叫我梁太，感覺好得意。」她感激80位好友遠道而來見證她邁向人生新階段，聽見好友為她大聲喝采，眼淚停不了：「真係一路行一路喊。」為答謝好友到賀，梁生、梁太設計了獨一無二的回禮禮物，女友人有T恤，而男友人贈泳褲，她謂：「全部印咗同我紋身一樣，我最鍾意嘅火柴人公仔，連菜單、名牌同杯都有。」至於特製的「I love YUMI、ANDY」手帶，就是識別閒雜人等，防被外界騷擾。
籌備明年新碟
談及婚禮有10分鐘煙花及火人表演，Yumiko稱是老公送給她的驚喜禮物，她說：「我唔知o架，生日蛋糕都係佢送我，寓意要高舉我喎，哈哈。（你送番乜畀老公？）冇喎，唔係應該嘅咩？」雖然深得老公愛錫，但Yumiko不想做少奶奶，故返港後就火速籌備明年推出的新碟。
文：音樂組