錢小豪推job陪囝囝

藝人錢小豪與仙樂都前晚到金鐘出席新片《冬蔭功 2》英雄場，小豪主演的電影《殭屍》大收，他坦言近期有不少片約洽談中，但卻不心急拍板，反而推了多個工作，多留家中陪兒子，他說：「我廿幾年前打鐵趁熱打得太勁，以前題材好拍得太多拍爛咗，呢部拍得咁好、咁有心，希望遲一、兩年再拍《殭屍》，費事嘥咗以前心機。」
錢小豪
錢小豪

小豪談到11歲的細仔錢穎德踏入反叛期，開始抗拒跟他攬錫，他說：「我miss咗佢細個成長，佢歲幾識行嗰陣，我去咗上海大半年做導演，我老婆帶個仔上嚟已經識行，好似遺失咗樣嘢咁。」

仙樂都
  • 仙樂都

另仙樂都以性感低胸裝示人，自爆到馬來西亞打碟住酒店懷疑「撞鬼」，進入酒店後感頭痛，接着房間又停電，怪事多籮籮。談到張暖雅在福州登台「被禁錮」，仙樂都表示未試過：「我通常喺內地做嘢，都有助理陪，好彩暫時未試過，但佢（張暖雅）本身係內地人，應該好小心、可以凌駕得住。」