黎瑞恩唔怕跌 踩六吋開騷
黎瑞恩（小恩子）早前擔任好姊妹湯寶如個唱嘉賓時不慎碌落樓梯，將於今明兩晚假會展開騷的小恩子誓要克服陰影，決定穿上六吋長boot在樓梯獻唱，小恩子笑言：「今次得幾級，應該冇事。」
黎瑞恩（小恩子）一連兩場、由馬天尼娛樂舉辦的《金至尊珠寶呈獻黎瑞恩ALL FOR LOVE慈善演唱會2013》將於今晚假灣仔會展開鑼，小恩子昨日出席總綵排，並與主辦人孫敬安及盧敏儀進行拜神，由於天氣急降，小恩子為免病倒穿上羽絨保暖。
現場見舞台有條小樓梯，由於小恩子曾在湯寶如個唱中碌落樓梯，問到擔不擔心再發生意外？小恩子說：「冇話驚唔驚，可能上次冇拜神，今次得幾級，應該冇事。」她更透露將以六吋長boot示人，她說：「明晚（今晚）會着六吋boot唱歌，希望盡量扯高顯得冇咁肥。」提到上次意外，小恩子猶有餘悸說：「跌嗰吓覺得冇乜嘢，當着番鞋時真係想喊，點解出番嚟第一次唱歌就咁呢。」
仔女愛心卡打氣
問到老公曾智明會否捧場？小恩子說：「佢要公幹，一對仔女都唔會嚟，我每次唱歌佢哋都病，呢幾日高燒、低燒好擔心。」她透露獲一對仔女送上愛心卡打氣，小恩子說：「仔女叫我唔好擔心，仲寫咗張卡叫我加油。」
採訪：音樂組