許廷鏗被奄尖病人考起
歌手許廷鏗（Alfred）昨日出席香港優質顧客服務協會「欣賞服務日」記者會，身兼牙醫工作的他自言視病人為顧客，能得到顧客欣賞的感覺零舍窩心，但他坦言都有遇過奄尖顧客：「可能個病人對我哋呢行唔係太了解，佢問我一啲普通科嘅問題，但我其實係解答唔到佢，佢就覺得我唔幫佢，我最後都有同佢解釋番，都冇話好核突咁樣收場。」
將於下月尾在九展開演唱會的他，開心表示自己作詞的演唱會主題曲《時光》，日前登上網上流行榜榜首，他坦言今次沒有刻意宣傳歌曲，卻無心插柳地有好成績，為下月的演唱會打下強心針。