周秀娜八字波迎寒風
宅男女神周秀娜（圖）昨日出席商場活動，不畏嚴寒大開中門騷「八字波」，她笑說：「報酬不錯，要普天同慶。」今年賺到盤滿缽滿的娜姐一直想買樓惟未揀啱心水，會交由父母去搞。聖誕將至，沒有男友的她不覺寂寞：「可以約朋友開party，我打算花五位數字買禮物。」
方力申之前曾表示可介紹任職律師的胞弟給娜姐，她說大可一齊去P：「之前見過佢嘅相，唔覺佢對我有意思。（好似公開相睇，尷尬？）識朋友又唔一定係嘅。」
娜姐重申自己並不dry：「呢排拍緊微電影，戲裏面同鄭伊健做情侶，感受吓拍拖囉。我哋會有親密接觸，唔知伊健有冇先同太太蒙嘉慧『備案』，不過大家都係專業演員，應該唔會呷醋。」