TVB無限期抵制壹傳媒 李寶安:唔稀罕惡性宣傳

經李寶安的觀察，TVB被壹傳媒敵視、攻擊和抹黑超過兩年，他坦言收到不少旗下藝員求助及投訴，當中不乏知名度高的藝員、節目主持，他們受到不必要的負面作料、偷拍等，無綫為保護他們尊嚴，不惜實施抵制令。

不想藝員承受壓力

李寶安指今次行動得到董事局及各團體的支持：「呢個團體長期敵視、有計劃抹黑，踩到我哋一文不值，又何苦嚟採訪呢？如今發出抵制令對公司嚟講只見良性影響，將不利東西停止！其實各同事都用心血去創作，卻遭到惡性攻擊，嚴重影響士氣。被偷拍或作料嘅藝員，我哋亦要保護佢哋嘅尊嚴同利益，經觀察下，大部分出自壹傳媒旗下刊物。（抵制有冇時限？）呢個係原則同政策，亦唔期望短時間對方會改變立場，我暫時睇唔到有盡頭！」

無綫藝員屢被壹傳媒抹黑，終令無綫忍無可忍。

鍾嘉欣透露未有因「抵制」事件而影響工作。

有鑑藝人與傳媒唇齒相依，就抵制行動，李寶安不鼓勵藝員高調行事，因此乃機構與機構之間的問題，不想藝員承受壓力。他謂：「藝人面對公司列不歡迎嘅傳媒採訪時係應同一陣線去應變，公司目的係保護佢哋。雖然有啲藝員有短暫目標覺得冇所謂，想多啲人採訪，但我哋都會解釋畀佢哋知道團結嘅重要，互相支持係佢哋理應嘅責任！」

逐點澄清不實傳言

今次翻起千重浪，很大原因是香港電視不獲發牌引發，無綫急設「愛回家」計劃吸納被港視裁員的員工已見成效。他指已有不少藝員及幕後主動聯絡無綫：「礙於佢哋有棄守崗位嘅難為感受，唔想被標榜為第一個行番入嚟，我係理解，所以暫時唔會公布詳情。」雖受因港視引發的問題而遭針對，但無礙無綫最近積極籌劃免費電視服務牌照的續牌申請，他承認已於日前向通訊事務局遞交申請書。

回饋政府3億節目

此外，有關近日「抵制令」而引起不少風波，包括被指干預新聞自由、公眾地方拒受訪、因享用「無償大氣電波」而要全面開放（被採訪）及慈善公益節目收錢等傳言，李寶安直言全部不是事實，他逐點澄清：「有關劉議員（劉慧卿）入嚟受訪，壹傳媒喺無綫物業出面採訪，唔構成干預新聞自由。至於有投訴康文署同無綫舉辦活動，話唔畀佢哋喺公眾地方嘅後台做採訪，後台係無綫工作嘅地方，既然我判斷到邊間傳媒有傷害性報道，當然唔會歡迎！至於外界話無綫用『無償大氣電波』而要開放……我重申呢個只係電視台操作一小部分，節目出街係靠好多投資配合，我哋一年畀大氣電波費超過一千萬港幣，仲要回饋畀政府每年超過三億嘅節目（包括時段費用及製作費），唔係『無償使用大氣電波』！最後被批評慈善節目要收費，無綫製作節目係真金白銀支出，收費之後再捐輸係另一個慈善行為，兩樣係分得好清楚。」

李寶安強調今次抵制壹傳媒行動並非一時衝動，是長時間累積出來的結果，無綫只想好好保護自己。

文：影視組