馬明爭視帝搣甩O嘴樣
緋聞情侶楊怡和羅仲謙、馬國明、黃智雯等昨日為劇集《On Call 36小時II》到尖沙咀一帶進行花車巡遊宣傳並派發禮物，順道為視帝、視后及最佳劇集向途人拉票，吸引過百市民圍觀兼舉機狂影，眾演員經過廣東道時，更以普通話向個人遊旅客打招乎並為劇集拉票宣傳。
此次是無綫自宣布封殺「壹傳媒」後首次舉辦的活動，無綫工作人員為確保沒有「壹傳媒」旗下的記者採訪，亦有禮貌地叫每位到場的記者拿出記者證以查實身份。
在台慶當晚再次現出經典「O嘴樣」的馬國明被網友惡搞變了口含樹葉的樹熊，對此他大方表示大家只是搞笑：「得獎時都唔知講咩。」他更發誓正式頒獎典禮當晚要「搣甩O嘴樣」。
恨嫁好正常
日前沒有出席台慶的楊怡就解釋是因為感冒未能赴會，對於田蕊妮及鍾嘉欣在台慶夜率先跑出成為「藝人眼中的視后」最後兩強，她表示頒獎禮當晚必有一番良性競爭。
至於她與羅仲謙在張美妮的婚禮上被「擺上枱」，謙仔表示無所謂：「娛吓賓啫，當係祝福。（楊怡講明要接花球！）儀式嚟啫，都係將幸福延續落去。（佢恨嫁？）佢話未結婚就當然想。（畀壓力你？）冇，工作就大壓力！」
至於楊怡對接花球一事就笑說：「佢哋唔好意思啫。（恨嫁？）女仔到咗某個時期 恨嫁好正常，不過都要啱對象同啱時候。」
當問身旁的謙仔有否行「外母政策」時，他即尷尬笑說：「你話將來？男大當婚、女大當嫁，見吓外母都好正常。」
文：影視組