近日吳千語頻頻現身何超盈的Instagram照片中，據知，千語BB原來一直是超盈的閨密，經常出席超盈的好友聚會，不過千語BB欲表現低調，所以二人鮮有在公開場合交流。
昨日，千語BB透過電話回應，透露與超盈識於微時：「其實識咗好耐，以前做model時朋友介紹，大家年紀相約，有好多共同話題，得閒會約食飯，係朋友。」另外，有網友在微博大爆千語BB做「跟得女友」，孖實林峯返家鄉廈門出席電影宣傳活動，似足回鄉見父老一樣。活動上，千語BB又收花又企中間位，地位明顯大不同。