圓圓加讚派帖送法式浪漫

圓圓與加讚的婚照於巴黎一間酒店取景，浪漫又甜蜜。

汪圓圓與蔡加讚將於下月共偕連理，喜帖近日已陸續派發給親友，喜帖以象牙色及香檳金為主色，上面印有以圓圓（Irene）及加讚（Karson）英文名首個字母作設計的「IK」logo，非常有心思，裏面還附有二人於法國拍攝的靚靚婚照。

圓圓昨日接受電話訪問時表示喜帖由二人設計，她說：「大部分係我嘅構思，Karson都有畀意見，個logo係我先畀咗個大方向設計師，自己都畫咗幾個圖，但最後用咗設計師嗰個，喜帖仲加入咗我鍾意嘅粉紅色，同Karson鍾意嘅綠色。主題係classic、有歐洲感覺。」

返港唔見婚紗

至於婚照則是在巴黎一間酒店內取景，圓圓身穿由Monique Lhuillier贊助的名貴婚紗與Karson輕輕相擁，洋溢幸福之情，圓圓表示他們在法國的巴黎及波爾多拍攝了三天：「我哋之前一齊去過法國旅行，大家都好鍾意法國，當地好靚又浪漫，所以選擇喺呢度影婚照。我有七個造型，帶咗一大篋婚紗同晚裝，有啲係贊助，有啲係買，整個拍攝過程都好開心，不過返到香港機場時發生小插曲，我嗰篋婚紗同晚裝竟然失蹤咗，我擔心咗幾日，好在最後都搵得番。」圓圓稱由於婚期逼近，故要開始嚴格進行減肥計劃，希望以最佳姿態演繹Vera Wang的婚紗，成為最美的新娘子。

汪圓圓與蔡加讚婚期定下月底，近日陸續派發喜帖。	放大圖片	放大圖片

文：名人組