剛於本月15日踏入30歲的歌手鄧麗欣（Stephy），前晚獲男友方力申花五位數包場搞生日派對，壽星女Stephy要求朋友們穿動物裝出現，她自己化身做長頸鹿，小方扮乳牛，而好姊妹吳雨霏（Kary）、區文詩（Angela）都有到賀，Angela更與老外男友孖住出現。
小方對女友可謂花盡心思，知道Stephy鍾意動畫《怪獸公司》的女主角Boo，特別訂造一個三層高Boo的蛋糕，氹到她眉開眼笑，她笑說：「我都唔捨得食。」鍾意長頸鹿的Stephy在派對中「撞鹿」，她笑說：「我同化妝師撞長頸鹿衫，（小方有冇認錯你？）冇，因為係男化妝師，佢係高肥版。」
對小方的乳牛look，Stephy大讚好cute。至於昨日正日生日，Stephy得公司放她一日假，問到她是否二人世界？她甜笑說：「呢個係秘密。」談到生日願望，Stephy表示身體健康最重要，她說：「之前媽咪輕微中風入院，希望媽咪健健康康，自己嘅事業有更好發展。」她又在微博留言「新一天，新字頭！」
Kary解釋因工作關係，來不及物色動物裝，她說：「我特登帶咗個豹紋手袋嚟。」Angela則形容Stephy是她的老朋友，她希望每年都跟壽星女慶祝生日。
文：音樂組