軒仔最想投阿梅金唱片
張敬軒被曾志偉踢爆有份競投梅艷芳遺物，他昨日透過電話訪問承認以六位數投了六個項目：「梅姐係我偶像，想為佢做啲嘢，點解會競投係因為唔想佢嘅物件落喺炒家，自己唔想太高調，所以搵咗同事去競投。」他又指最想投得十一張金及白金唱片：「但當知道有買家係志在必得咁出價，自己能力有限，所以投唔成。」
梁漢文前晚出席活動時亦表示若有需要會夾錢：「最緊要group埋啲嘢一齊，其實一開頭感覺唔舒服，好似將梅姐啲嘢各散東西咁。」他慨嘆欠缺最具意義的新秀獎：「呢個最可惜，仲要係第一屆新秀，希望快啲出現番。」
