千語箍牙變歪面 林峯照咀
年僅19歲的吳千語與林峯愛得癡纏，擁有青春與高挑身形的千語近日出現歪面情況，她解釋因為自己箍牙所致，幸沒有影響親吻時的溫馨時刻。對於日前林峯被拍得夜訪千語香閨度春宵，千語則不作否認。
吳千語昨日出席「萬聖節Candy Factory@海港城」活動，更即場與兩名小朋友玩遊戲。穿上紅色連身裙的千語，露出纖幼雙腿。她受訪時，記者指她臉龐尖了，對此她說：「我呢排又瘦咗，依家得100磅，以我1米70嘅高度都唔正常，不過我由細到大都偏瘦，依家都要睇醫生調理身子。（擔唔擔心身子唔好將來難受孕？）我都希望自己身體好啲，我成日好易攰同眼瞓。（瘦到上圍縮水？）不嬲冇乜勁過或者縮水，都係差唔多。」
恭喜愛郎膺視帝
之後記者指千語有點歪面，她解釋是因箍牙所致：「因為左邊面要剝隻牙，啲牙移位所以咁樣，又影響講嘢，所以做嘢都唔可以戴（牙套），食嘢都減少。」記者笑問千語錫錫時會否不方便？她笑說：「我唔係大部分時間都戴嘅。」
日前本報獨家拍得林峯夜訪千語香閨度春宵，對此千語沒有否認，問二人是否經常互相到對方家留宿？千語避忌地以問題太私人為由而拒絕回應。問有否恭喜男友獲華鼎獎視帝？她說：「恭喜咗，我都替佢開心，佢入行都幾長時間，有呢個獎係榮幸。（點同佢慶祝？）食飯啦，（親自下廚？）我唔識煮嘢，我哋平時都係出去食多，不過將來有機會我都希望學吓。」她又說林峯沒投訴她不諳廚藝，笑言男友也零廚藝。
冇現身睇錫錫戲
另外，林峯與徐子珊近日拍《3D詭嬰》一場水中咀戲時，有指千語現身監場，林峯昨否認其事：「場戲拍咗幾個鐘，佢點會嚟，傻咩？之後有佢嘅戲份佢先嚟。」子珊亦稱當天不見千語，又稱拍攝時林峯一臉不自在乃劇情需要。
文：名人組