譚淇淇被撩做「小三」
女Rapper譚淇淇（KiKi）在驚慄片《奇幻夜》擔正一單元，決心多方面發展的她揚言不介意與男星有親熱戲，更首選台灣大隻男彭于晏做對手：「我啲口味成日轉，有時會喪（目及）赤裸跟車工人，呢排我就鍾意彭于晏，見到啲肌肉真係流晒口水！」
已單身一年的KiKi原來曾遇男星撩做「小三」：「平時都係朋友傾偈，當感覺到有曖昧時，大家都係單身就得，但對方有伴侶，我打死唔做小三。」她又自言天生一副「小三樣」，常被朋友誤會：「可能我個樣同埋做呢行嘅關係，成日畀朋友誤會我會搶走佢男友，其實只係我性格比較男仔頭。」