劉思希拍劇拍上癮
在無綫一直擔任主持工作的劉思希得監製王心慰賞識首拍劇集《巨輪》，劉思希說：「自覺口才唔錯、記性好，所以一直覺得做主持比較適合自己，同埋覺得做戲扮人好難，所以從來冇諗過拍劇，拍咗第一套劇之後發覺原來自己都做得嚟嘅，仲覺得好好玩鍾意咗拍劇。」
劇中講扮演富家女的劉思希一直暗戀蕭正楠，但現實中劉思希卻只被追求沒有暗戀過男仔，她說：「自己好被動，一定唔會追男仔。處女座有特定嘅擇偶條件，揀男仔要錫屋企人、實在、低調，唔會揀一啲花言巧語嘅男仔。」難怪劉思希與緋聞的林忠豪得過傳字，最終也未能撻着。