張建聲拜倒Elva石榴裙下
張建聲、沈震軒與陳奐仁早前接受訪問，大談心目中的女神與追女仔必殺技，外形討好的張建聲心目中的女神原來是靚女倪晨曦（Elva），張建聲大讚對方長髮大眼，舉止優雅，絕對很容易令男士心動，好彩他拍戲時閃得快，避過對方之「電流」！而沈震軒則自言是「悶蛋」一名，沒有追女仔的招數，卻經常被女仔誤以為花心，認真無辜！
張建聲（Justin）、沈震軒（Sammy）與陳奐仁（Hanjin）於新片《溝女不離3兄弟》合作，三人感情相當不俗，早前接受訪問時互笠高帽，張建聲大讚戲中咀戲「對手」Hanjin「好咀」，陳奐仁又讚張建聲、沈震軒靚仔，談到女神話題，張建聲坦言：「我嘅女神係Elva，我覺得佢所有嘢都好Sweet，好有女神特質，長髮大眼，之前我同佢拍戲，一cut機要即刻走開，遲兩秒都會愛上佢！」
女神朦朧美
張建聲說時一臉甜絲絲，問他跟對方可有發展機會？「拍完之後都有聯絡，會食飯傾吓偈，佢真係好優雅，每一樣嘢都好慢好靚，見到佢好有feel，好似有層輕紗係佢前面咁。」在旁的陳奐仁大讚張建聲性格可愛，自己都很喜歡他，張建聲亦即向陳奐仁「回禮」，讚他有才華，深得不少女性喜愛，連他是男性都愛上陳奐仁，對此，陳奐仁即搞笑地謂：「好多男仔都咁同我講，你試過問吓啲女仔點睇。」
沈震軒則指自己心目中的女神是韓國組合After School的Nana，因他喜歡女仔有才華，談到追女必殺技，他表示：「我唔識追女仔，個人都幾悶，但唔知點解啲女仔會覺得我花心，有時對住啲喜歡嘅女仔都唔敢主動，驚食檸檬。」
文：影視組