Mandy行內衣騷至緊要靚
名模Mandy Lieu與汪圓圓前晚為時裝騷擔任模特兒，Mandy打頭陣出場，但打扮密實，即被同場穿着性感內衣的模特兒比下去，問她是否不接內衣騷？她說：「我真係未試過行，亦冇人搵過我，其實我唔介意，只要靚就OK！」現忙於在台灣拍戲的Mandy謂戲中飾演一名性感打女，故要keep fit但又不能太瘦，她笑說：「如果瘦到連胸都冇埋就唔連戲，縮細咗可能導演要換人！」
而汪圓圓則以壓軸亮相，她透露與未婚夫蔡加讚早前在法國拍攝的婚紗照已到港，但她自言狀態麻麻：「我去到頭兩日係咁食嘢，最尾嗰兩日先影，所以個人好腫，（再影過？）加讚影完都明白我平時工作唔容易，佢話再影都要十周年，（加讚影相有冇天分？）佢有高度又靚仔可以蓋過所有嘢！」