JM表態恨拍拖 陳柏熹面紅滴汗
黎明愛將Janice Man（文詠珊，JM）與富家子衞以德屢傳緋聞，JM直言有了解過但撻唔着，現她又有新目標，被發現日前與陳柏熹慶祝生日，兩人態度親密，昨晚JM不避嫌捧陳柏熹時裝騷場，而男方提到戀情即緊張滴汗，還不時面紅，關係曖昧。
有傳Janice Man與Moiselle太子爺陳柏熹（Harris）撻着，昨晚Harris舉行的Zing & Moiselle聯乘系列發布酒會，不避嫌邀請緋聞女友JM出席，JM着上性感服裝到場，Harris親自迎接，影相時還攬着對方纖腰，但卻表現得十分緊張，還不時流汗，被笑指是否女友太性感？Harris面紅說：「無奈滴汗，靚就可以性感，有本錢，我都想（目及）。」JM透露如此性感是底線，她說：「平時好少咁性感，佢安排就好。（為咗Harris可以咁性感？）我一直都好支持佢。」而兩人是否拍拖？Harris再表現尷尬說：「唔係，不過佢受溝，我會追。」而JM則表示都希望有新戀情，而今次活動酬勞，她指好朋友無計。
同衞以德撻唔着
JM早前為Harris慶祝生日，現場被要求送香吻給壽星仔，JM感到無奈，Harris即打圓場說：「我哋已慶祝咗，好多人都會畀Birthday Kiss畀我。」JM被問到Harris是否符合她的條件？她說：「佢好有風度，好照顧身邊嘅人，有上進心，最重要有上進心。（有冇機會發展？）隨緣，我都單身咗一段時間。（衞以德呢？）呢個朋友係有了解過，但了解未必一定得，係朋友。（同Harris了解中？）我哋真係好好朋友。」另外賭王四太女兒何超盈及細佬何猷亨亦有捧場，但不接受訪問。
Zing新裝送王菲
晉身設計師行列的星級化妝師Zing一早在場打點，好友王菲為表支持，與經理人陳家瑛聯名送上花籃，Zing謂已將服裝上載微博，王菲應該已看到，亦會送給王菲穿。問到王菲是否住趙薇家？他表示不知情，但一直與她有聯絡，早前在北京有見過王菲，再追問有關王菲的事時，他已不願多談。
文：名人組