主持人黎芷珊和城中名貓「忌廉哥」昨日出席電器品牌活動，黎芷珊表示節目《最佳女主角》首集有21點收視︰「好滿意呀，因為係假期前夕，我哋本身都冇預咁高，喺網上收番嘅評語都好好，嚟緊應該會再高啲。」
問到是否有嘉賓明言有些話題是不能說時，芷珊說︰「有呀，劉曉慶講明唔可以講愛情，我有嘗試『撩』過佢同伍衞國、姜文拍拖嘅事，不過最後都畀佢兜番，反而香港嘅藝人都好肯講嘢，只會講太多，佢哋有啲之後打番畀我話有啲可唔可以唔出，我話可以，應承得佢哋就唔會出。」
