Regen難捨音樂夢
跳唱組合HotCha成員Regen（張惠雅）曾離港兩年，獨自遠赴日本和澳洲生活，今年決定復出的她，表示雖曾打算移民澳洲，但卻發現自己放不低Hip Hop舞蹈，最後決定返港實踐夢想。
她表示：「去咗日本兩個月，發現嗰度無論小朋友定大人跳Hip Hop都好勁，仲會一家大細一齊跳，始終當地樂壇有好多跳唱組合，所以成個環境對舞蹈好熱血，到我喺澳洲農場，遇到啲韓國人一邊播歌一邊做嘢，覺得音樂令佢地好自得其樂，嗰陣真係好想移民澳洲。」她續說回港原因：「始終放唔開夢想，最後決定返嚟香港，做到鍾意嘅音樂同舞蹈就心滿意足。」