李綺雯「冰凍士多」消暑
藝員李綺雯早前於西樵影城拍攝新劇《守業者》，笑言最難忘是拍攝一場大型節慶戲，她謂：「喺戲入面我哋都係做紡織嘅，有一場戲要慶祝雷祖誕兼要舞蠶龍，我哋成班女仔都對一粒巨大嘅棉花龍珠好有興趣，因為好似一粒好大嘅棉花糖，我哋咪輪住嚟影相！」
今次到西樵開工，由於拍攝時天氣極炎熱，台前幕後夾錢成立了一個「冰凍士多」，李綺雯表示：「呢個『冰凍士多』係一個好大嘅桶，會雪住好多冰凍飲品，呢個『士多』真係好重要，我哋有啲同事曾經出現中暑嘅情況，如果無呢啲凍飲供應，我諗仲會有更多人唔舒服！」