甄子丹畀安志杰kick到暈

甄子丹於六年後回歸時裝動作片，為電影《特殊身份》擔任創作監製、動作導演及演員，他指內地多掣肘，製作有關黑幫的合拍片甚難：「當時遇到太多困難，難聽啲係個爛攤子，但超過百幾個工作人員簽咗約，所以不如一起拍好佢。」

首演蠱惑仔的子丹希望突破自己，他說：「我唔想停喺葉問嘅光環上，我想進步。」經常打到周身傷的子丹透露，與安志杰對打的最後一場戲，令他引發舊患：「有次行錯位畀安志杰一個jump kick鋤落額頭，我真係暈，成分幾鐘講唔到嘢。有次膊頭痛去照Ｘ光，發現我啲骨架已經傷晒，條尾龍骨都歪埋。」

甄子丹指在片中想打到有職業水準。

子丹形容與鄭中基在片中的關係為「周星馳與吳孟達」。

鄭中基呻難頂

對於安志杰的演技，子丹說：「安志杰充分做到動作片接班人！呢套片佢演得好好。」至於客串的鄭中基，子丹形容二人片中的關係為「周星馳與吳孟達」，鄭中基透露雖然他不需拍打戲，但不覺特別舒服，他說：「有場我哋喺赤柱化糞池拍，我哋拍嗌交戲，仲要大力抖氣，放飯都食唔落，呢場係最難頂。」

此外，於此片的宣傳片中，甄子丹與安志杰的打鬥場面相當多，雙方更血流披面，甄子丹坦言重視打鬥場面，想將最好的畫面放在一起，故拍了很多鏡頭。

文：影視組