傅嘉莉搞慶百人險被抽水
近期人氣急升的傅嘉莉，前晚在旺角行人專用區拍攝新劇，被逾百名途人圍觀，場面墟冚。混亂間她被男途人摸手臂和膊頭，險被抽水的她驚訝途人興奮表現，但慶幸未有被觸及重要部位。
傅嘉莉（Kelly）於《衝上雲霄Ⅱ》飾「咖啡妹」一角而人氣急升，隨即接拍無綫新劇《愛我請留言》。前晚她與關禮傑在旺角街頭拍攝一場拉扯戲，吸引逾百市民圍觀和舉機拍照。不少途人認出Kelly後表示：「佢咪就係《衝Ⅱ》入面嗰個咖啡妹囉。」期間有一對情侶經過，男方更無視女友存在大讚Kelly好索：「真係好純好靚！」
遭摸手及膊頭
Kelly事後接受電話訪問，提到拍攝時場面墟冚，她說：「係呀，太多人，好多鏡頭唔要得，所以呢場戲都over咗兩、三個鐘。」她還自爆險被抽水：「唔知係咪太興奮，有啲男仔摸到我，話想同我合照。（被抽水？）都係摸到手臂同膞頭，冇掂到pat pat。」她又大讚關禮傑好戲，二人於劇中會發展父女情。
此外，饒舌歌手歐陽靖（MC Jin）前晚亦在旺角街頭派發傳單宣傳布道會，現場見他消瘦不少，他解釋：「上年個仔出世，我返咗美國成年，咁啱劉偉強導演喺當地拍戲，搵我演警察，要我3星期減15磅出鏡，減完就keep落去。」他又透露囝囝名叫歐陽健，現已一歲。
文：名人組