嘉玲熱愛fashion唔搞設計

劉嘉玲於巴黎時間10月1日出席Valentino 2014春夏騷，穿上cape-dress的她中門大開，還手持自己人馬座的星座造型clutch，性感又高貴。她表示來巴黎五天，睇騷順便放假，不過老公梁朝偉沒有同行。對偉仔憑《一代宗師》再被提名競逐金馬影帝，她說：「我真係唔知，佢冇打畀我話畀我知。（對佢有信心？）當然，佢百分之九十都會得獎。」

老公對時裝冇興趣

她表示已第三次來巴黎看騷，第一次是與偉仔前來，但他對時裝冇興趣。記者叫做時裝生意的嘉玲索性做設計師，她說：「唔會啦！時裝同飲食生意都係剛開始，我唔會定死自己做乜，總之嚟到有興趣咪做。（向女企業家發展？）冇set定做生意定拍戲，其實唔同生意接觸唔同人都對自己演技有幫助。（有新戲？）睇緊劇本。」

榮文蔚（左）與鄭紹康睇Valentino騷。

鄭詩韻身在巴黎，心繫兩兒。

對於之前偉仔與周迅傳緋聞，嘉玲表示已回應，自己與偉仔早已習慣。而早前她接受黎芷珊主持的《最佳女主角》眼泛淚光，她說：「一講到爸爸媽媽就變得感動，佢哋經常為我擔心感到難過。（父母以你為榮？）戥我開心，佢哋最緊要我健康開心，我幾大成就對佢哋冇關係。」完騷後她獲邀與設計師孖寶Maria Grazia Chiuri與Pierpaolo Piccioli合照。

許茹芸現身Shiatzy Chen時裝騷。

嘉玲與設計師孖寶Maria Grazia Chiuri及Pierpaolo Piccioli合照。

鄭詩韻掛住兩個仔

另外，同場有名媛鄭詩韻、榮文蔚與公關鄭紹康，鄭詩韻表示因工作來巴黎三天，自言很掛念兩名兒子，每天要視像以解相思之苦，她坦言暫未有計劃再追女。而台灣歌手許茹芸及內地女星劉詩詩出席Shiatzy Chen 2014春夏騷，二人都盛裝打扮現身。