Super Girls受歡型搶HotCha飯碗
早前女子組合Super Girls接HotCha棒，成為萬成永成攝影器材的代言人，更特別遠赴日本拍攝廣告。主攻唱歌跳舞的Super Girls，去年亦曾在樂壇頒獎禮中得到新人獎項，五女目標只有一個，就是要成為最受歡迎的女子組合，就如台灣著名女子組合S.H.E，她們說：「S.H.E唱功真係一流，快歌慢歌都得，最難得就係佢哋三個感情都好好，好難得！」
早前她們首次到日本拍攝代言廣告，談到拍攝趣事？她們說：「我哋特別搵啲最靚嘅風景拍攝，影出嚟好多顏色，成個構圖好靚好高貴。」對於成功取替HotCha？她們認為大家各有千秋：「佢哋感覺開心活潑啲，我哋就主要走型格路線！」五女又表示平日也愛拍照，尤其自拍，她們喜歡把照片上載社交網站，跟粉絲分享。
練舞一齊喊
另外，Super Girls昨日在將軍澳電視城為節目《勁歌金曲》進行錄影，五人都舞功高強，全因她們曾接受長時間的訓練，但回想起出道前的訓練時期，她們都大呻辛苦兼怕怕：「我哋跳舞底子有分別，所以練起上嚟都幾辛苦，最辛苦係拉筋，嗰陣阿Sir好嚴，逼我哋壓腿，仲係唔係普通嗰啲一字馬，練到好驚上堂，試過練到五個一齊喊！」
文：名人組