張美妮谷胸新娘心急取經
無綫藝人張美妮下月便結婚，昨日於姊妹團陪同下試婚紗，眾女圍作一團自然有不少女性話題，談起生仔經時，更互拋秘技。美妮坦言屆時會谷胸上陣，更勒令各有「睇頭」的姊妹當日齊齊封胸。
張美妮於下月十一日便舉行婚禮，昨日，一班好姊妹楊思琦、張嘉兒、陳爽、傅楚卉、陳詠嫻、孟瑤就齊齊出動陪美妮試婚紗，穿着心口如「心形」般、谷出三吋多「事業線」的美妮甫出來，眾姊妹即嘩聲四起，雖然口聲聲屆時會發放光彩，不怕被搶鏡，但亦勒令眾姊妹到時統統「封胸」上陣，高踭鞋亦只限三吋，相當搞笑。
做一次公主
透露姊妹及兄弟團陣容相當強勁，每邊都有18位，兄弟團包括有楊明、趙永洪等助陣，甚為熱鬧。美妮昨日坦言很多東西已辦妥，現時的心情已由緊張變為興奮，她謂:「我半年前就開始籌備，所以依家壓力唔大，心情好興奮，之前我哋喺巴黎影咗結婚相，日前都專登同愛犬「叻叻」影多輯全家褔。」美妮笑言正式的婚紗都會突顯女性線條，老公絕不介意，因一生人要做一次公主。
生B重姿勢
美妮又指已分配眾姊妹的工作，思琦負責幫她管金器，嘉兒則做司儀，昨日面對多位已婚又已有小朋友的好姊妹，心急想生B的美妮亦不忘「取經」，已為人母的傅楚卉更傳授秘技謂：「最緊要係姿勢，真係好重要。」而剛生完第二胎的陳詠嫻則笑言有獨門秘方，說時全場笑個不停。
結婚未夠一年的陳爽坦言暫時都想過二人世界先，不過她透露剛剛搬了新居，老公亦「自動波」戒煙，似乎對方都心急生小朋友。思琦表示剛剛拍罷《大藥坊》巡禮片段，09年至今沒有拍劇，坦言戲癮大發，更指之後開劇有母親幫手照顧女兒，絕對放心。
文：影視組