樂瞳辣慶老闆無聲無息出碟
「宅男女神」樂瞳轉投星煥國際唱片公司後推出首張新碟《愛的魔法》，可惜無聲無息下面世。據知，樂瞳遭唱片公司冷待，除與她年底約滿有關外，另一主因是她早前接受訪問時自爆「自己搞晒所有嘢」，辣慶唱片公司老闆何哲圖。最近她又在電台訪問中訴說當年續約無綫的條件差：「連基本生活都照顧唔到！」亦惹來無綫不滿。
昨日樂瞳被問到唱片宣傳少時，她說：「我有同唱片公司講可以配合多啲宣傳。（冇買廣告？）冇，唱片公司解釋因為我經理人係無綫，交由無綫負責。（但鍾嘉欣同你一樣，佢好多廣告喎！）唔知。」問她是否曾遭何哲圖責備？她說：「老闆有教我講嘢，咁我唔識講嘢嘛。」至於連無綫也得罪，她澄清：「我唔係呻，只係分享以前嘅經驗。」
