嘟姐子華出橋 幫80後創業
無綫再搞真人騷節目，有意搵來黃金組合黃子華及鄭裕玲任主持，經典重組令人期待。今次無綫炮製80、90後創業真人騷，為有諗頭的年輕人提供資金，一圓創業夢。
近年無綫積極炮製具話題性的真人騷節目，繼早前盛男、盛女愛作戰後，趁台慶月將臨大搞80、90後創業真人騷。據知無綫意屬黃金組合黃子華及鄭裕玲（嘟姐）做主持，兩人在13年前的處境劇《男親女愛》創下非黃金時段最高50點的收視紀錄，經典重現定令觀眾大為期待！
昨日無綫非戲劇製作總監余詠珊，透過電話訪問時坦承其事：「依家努力同子華度緊期，我都好想黃金組合重現！」而她揚言為打動子華，酬金在所不惜，並大讚子華及嘟姐說：「佢哋真係好適合，比人感覺精明、有見地，搵佢哋做呢個節目主持可以話冇風險！」另外子華在截稿前則未有回覆。
香港創業成本甚高，對擁創業夢、有諗頭的80、90後可謂有夢難圓，為此無綫特意炮製年輕人創業真人騷節目，讓他們在節目即席「Sell橋」，如能打動一眾包括曾志偉在內的專業評判，就可以獲得創業資金，創業過程中更有一眾專業團體如銀行界、會計界、地產界等「護航」提供意見。
謝賢歐遊賀台慶
而無綫台慶亮燈本周五舉行，今次司儀據知將由鄭裕玲、曾華倩、陳百祥擔任，而台慶劇《法外風雲》兩位男主角陳豪及黎耀祥將會打頭陣sell劇，期間二人更會給鄭裕玲公審。而另一台慶劇《On Call 36小時II》的演員亦都不輸蝕硬sell此劇，而之前於《星夢傳奇》備受注目的鄭俊弘、羅鈞滿會表演外，《巨輪》兩位男主角陳展鵬、蕭正楠獻唱助陣，而魔術師甄澤權亦會表演魔術。
而謝賢、胡楓及Joe Junior將於7日出發到西班牙、葡萄牙拍攝台慶特備節目《三個小生去旅行》，三位更會如年輕人自由行旅行般，自己買車票搭車，睇鬥牛、踢波甚至齊齊去溝女，三人又不用記稿，想講乜就講乜，此行果真快活！
文：專案組