旺氣逼人爭邀出活動
陳茵媺腹大便便返港，專心安胎等生B，不過，無綫及廣告商卻「（目及）實」她的產後「頭啖湯」，希望第一時間安排曝光，借其旺氣增添喜氣。無綫監製羅永賢昨日受訪時坦言新劇給陳茵媺做「王后」：「茵媺欠我人情，佢產後復出，當然要拍我嘅劇，明年二、三月左右開，（演咩角色？）呢個係《太監五虎》，會有王后角色，我想切合番佢目前心態嚟設計角色畀佢，陳豪叫佢做王后嘛……就畀佢演王后！」
至於剛返港的茵媺，據知已有商業活動出高近兩、三倍價錢達十五萬之多，邀「大肚婆」出席添喜氣，問到無綫高層樂易玲他們兩公婆是否相當旺巿？樂小姐說：「好多老闆想搵佢哋『一家三口』做嘢，但目前傾緊，都要因應大肚婆嘅健康情況而定！」